clocha ceangailte agus madraí scaoilte
Pure idiomHeadwords
cloch, madra, ceangail, scaoil
Description
Baol ann agus gan aon rud chun cosc a chur leis.
Corpus examples
"Tá sé ag cur ar Mhac Uilliam agus ní foláir d'Ó Domhnaill dul agus Mac Uilliam do chosaint air. Sos comhraic ceangailte orainne agus sibh-se 'ghá bhrise! 'Clocha ceangailte agus madraí sgaoilte.' Ní dhéanfadh san an bheart, a ridire."
Níor bh' fhéidir é an fhaid a bhí an éagcóir chómh trom chómh tiubaisteach san nár bh' fhéidir le daoine macánta í dh'fhulang gan iaracht éigin a dhéanamh fé cheilt 'n-a coinnibh, agus ansan, an t-airgead chómh flúirseach ag lucht na h-éagcóra do dhéanamh, chun na breibe thabhairt go fial do'n informer. Ba thruagh an sgéal é! Clocha ceangailte agus madraí sgaoilte! Éagcóir i riocht cirt. An bhréag i riocht na fírinne. Cos-ar-bolg i riocht dlíghe.
Additional examples
Clocha ceangailte a's madraí sgaoilte a's Eibhlís dá leagadh chomh minic a's d'eirigeadh sí. Clocha ceangailte a's madraí sgaoilte = Ná beadh leigheas do bhruide agat ar an tóir a bheadh ort.
Is mairg a théann go Baile na bhFaoiteach – Bíonn clocha ceangailte is madraí scaoilte ann. Duine éigin nár cuireadh an fháilte cheart roimhe ann lá crua seaca. Nuair a cuireadh na madraí leis ann ní raibh na clocha féin mar chosaint aige air féin ach iad greamaithe sa sioc.
Bhí clocha ceangailte agus madraí sgaoilte. Bhí cead uilc agus maitheasa ag aon dream amháin, agus bhíodar ag luighe ar an gcuid eile, agus gan neart ag an cuid sin aon chosaint a dhéanamh ortha féin.
"Clocha ceangailte agus madraí scaoilte": ("Stones stuck and dogs aloose") Baol ann agus gan aon rud chun cosc a chur leis.
Clocha ceangailte is madraí scaoilte: cead a gcos ag cladhairí gan smacht orthu ag daoine macánta.