Ceannfhocail

bior, súil

Cur síos

Féachaint fheargach; bheith ag faire go dlúth.

Samplaí corpais

• D'fheuchas amach, agus cad do chífinn ach an t-aonach ag déanamh ar an ndorus i n-aon tsluagh amháin. An báille ar tosach agus a chlaidheamh ar tarang aige 'na láimh dheis agus a bhata draighin 'na láimh chlé, bior ar a dhá shúil agus fásgadh 'na bheul.

• Bhí Bricriu 'na ghrianán, agus a shrón leis an bhfuinneóig, agus bior ar a dhá shúil, agus dob' fhuiriste aithint air go raibh súil aige nár bh'fhada go mbeadh toirmeasg go tiugh aige 'na thigh nua, pé séan eile bheadh ar an dtigh ná ná beadh.

• "Do gháireadar na h-uaisle go léir. D'fheuch Cormac 'na thímpal ortha agus do leath a bhéal air agus tháinig bior ar a shúilibh, mar ní fheidir sé cad do chuir ag gáirídhe iad."

Úsáid

Cuireann 'dá' béim bhreise ar an nath.

Crostagairtí

• coinneal ina shúile
• nimh a shúl

Samplaí breise

• Bhí bior nimh ar a dhá súil. = Bhí féachaint an diabhail aige, mara bheadh ag an ndiabhal féin.

• Bhí bior ar a dhá shúil a' faire = É bheith a' faire go dlúth.

• 2. Bior a chur ar do shúile le rud, to look sharply, piercingly, at something. Tháinig bior ar a shúile liom, his eyes flashed anger at me. Tá bior nimhe ar a shúile, there is a venomous look in his eyes.

• Tá a dhá shúil ar bior. Tá sé ag féachaint go géar.

• He looked daggers at me, bhí bior nimhe ar a shúile ag amharc orm.