I ngach braisle, tugtar a fhoirmeacha infhillte le gach sloinne Gaeilge. Gintear na foirmeacha infhillte seo ón mbunfhoirm le ríomhchlár ag úsáid algartaim leata a forbraíodh don tionscadal seo. Aithníonn an t-algartam leata cén pátrún infhillte lena mbaineann an sloinne. Aschuireann sé foirm an tuisil ainmnigh, ghinidigh agus ghairmigh de na foirmeacha den sloinne don fhear, don bhean chéile agus don iníon. Foirmeacha iad seo a bhaineann le húsáid thraidisiúnta sloinnte, ach tá sé inghlactha sa lá atá inniu ann an bhunfhoirm agus a foirmeacha infhillte a úsáid le haghaidh daoine de inscne ar bith.