Is féidir an bunachar a bhrabhsáil go haibítreach. Tugtar ceithre (eochair) rogha shórtála:

1. Lomfhoirm: Foirm an tuisil ainmnigh den sloinne lúide gach réimír, alt agus athrú tosaigh. Foirm nuálach inscne-neodrach í seo a forbraíodh don tionscadal seo.
2. Bunfhoirm: Foirm fhireann an tsloinne sa tuiseal ainmneach.
3. Gnáthfhoirm: Gnáthfhoirm an tsloinne sa tuiseal ainmneach, san fhoirm don fhear, don bhean chéile nó don iníon.
4. Fréamhfhoirm: An t-ainm pearsanta óna n-eascraíonn an sloinne. Úsáideann muidne é seo mar theideal léacsach ar gach braisle sloinnte.

Sampla

	Lomfhoirm	Bunfhoirm	Gnáthfhoirm	Fréamhfhoirm
Fear	Briain	Ó Briain	Ó Briain	Brian
Bean chéile	Briain	Ó Briain	Uí Bhriain	Brian
Iníon	Briain	Ó Briain	Ní Bhriain	Brian