Tá iarrtha ag Cúirt Ghinearálta an Aontais Eorpaigh ar an Rialtas mionathruithe a dhéanamh ar an achomharc atá déanta acu ar ordú an Choimisiúin Eorpaigh tabhairt ar Apple €13 billiún móide ús a íoc le hÉirinn, de réir daoine atá eolach ar an chás.
Rialaigh Cúirt Ghinearálta an Aontais Eorpaigh nár thug an tír seo cúnamh neamhdhleathach don ollchomhlacht teicneolaíochta Apple agus dá réir sin nach gcaithfidh an comhlacht €13.1 billiún i gcáin a íoc leis na Coimisinéirí Ioncaim.
Tá sé ráite ag úrlabhraí de chuid Choimisiún na hEorpa, go bhfuil sé i gceist ag an Choimisiún achomhairc a thógaint chuig Cúirt Ghinearálta an Aontais Eorpaigh ar rialú a rinne siad faoi chúrsaí cánach an chomhlachta Apple in Éireann. D'éirigh le dúshlán cúirte a thug Apple agus rialtas na tíre seo i gCoimisiún na hEorpa cheithre bliana ó shoin maidir le rialú cánach a raibh luach €13.1billiún leis. Bhí go meánoíche anocht ag an gCoimisiún lena gcinneadh faoin achomharc a dhéanamh.