#846547
Bhí ráitheachán in Éirinn, an Dublin Philosophical Journal and Scientific Review, nár mhair ach ar feadh bliana; i Sasana bhí an Philosophical Magazine, iris a phléigh le speictream iomlán na heolaíochta agus a raibh Robert Kane ina eagarthóir uirthi ar feadh tréimhse nuair a bhí Callan ag tosnú ar a chuid oibre, na Annals of Electricity, iris ghearrshaolach thábhachtach a d’fhoilsigh William Sturgeon, fionnachtaí an leictreamaighnéid, agus a bhí ar an gcéad sainiris sa mhéid is gur le leictreachas amháin a phléigh sí, agus an Mechanics’ Magazine; ar an Mhór-roinn bhí na Annalen der Physic und Chemie, a d’fhoilsigh an turgnamhaí Poggendorff sa Ghearmáin, agus na Comptes Rendus a foilsíodh sa bhFrainc.