Gaois

Modh cuardaigh

Scag na torthaí

Bailiúcháin

10,000+ toradh in 5,724 doiciméad

  10. #265985

    Ina measc bhí ordú a chuir bac orthu teacht i ngiorracht 20 méadar do na hoibreacha.  Thaispeáin Jim O'Callaghan, abhcóide ceann de na comhlachtaí ag a bhfuil conradh suiteála méadair, GMC Sierra, físeán don Chúirt a léirigh cuid dóibh san cúisithe taobh istigh den srian 20 méadar a bhí leagtha síos ag an gcúirt.  Dúirt sé go léiríonn an físeán iad ag cur bac ar obair shuiteála ag láithreacha i gCnoc an Arbhair, Baile Phib agus Bóthar na gCloch i mBaile Átha Cliath 7 agus a tharla ar na dátaí 8 agus 9 Nollaig 2014.  Taispeánann an físean duine ag iompar bacanna plaisteacha as an tslí, ag líonadh poill tochailte, duine ag seasamh os comhair feithicil oibre agus roinnt daoine ag seasamh timpeall ar láthair oibre ina bhfuil meadair á suiteáil.  Thug oibrithe an chomhlachta slándála First Pulse fianaise gur chonaic siad cúisithe ag brú oibre suiteála, ag ciceáil duine acu sa chloigeann agus oibrí eile ag fáil buille sa chliabhrach.  Tá 6 as an mórsheisear ag freastal ar an gcúirt inniu fad agus a dúradh leis an gcúirt go bhfuil an seachtú cúisí thar lear ar chúis drochshláinte.  Tuairiscítear go bhfuil 60 de lucht tacaíochta na gcúisithe sa chúirt.

  13. #277898

    Baineann an gníomh seo le haltraí sna haonaid Timpistí agus Éigeandála.  Tiocfaidh stop leis an obair ar feadh 2 uair a chloig ag a 8 ar maidin agus 4 san iarnóin faoi cheann ceithre lá i 7 n-ospidéal ar fud na tíre.  Beidh an gníomh ag tarlú ag Ospidéal Bheaumont agus ag Ospidéal Thamhlachta i mBaile Átha Cliath, ag Ospidéal na Trócaire i gCorcaigh, ag Ospidéal Réigiúnach Lár Tíre ar an Muileann gCearr, ag Ospidéal Ginearálta an Chabháin, ag Ospidéal na hOllscoile, i nGaillimh agus freisin ag Ospidéal na hOllscoile i bPort Láirge.

  15. #282588

    “Bhíomar sa scuaine agus bhí clann Beilgeach ós ár gcomhair le leaids óga ar chomhaois lenár triúr leaids agus bhíomarna ar na chéad daoine eile chun seiceáil isteach a dhéanamh só bhí na boarding passes agus na pasanna i mo lámh agam agus bhí mé ag seasamh sa líne nuair a tharla an chéad phléasc.” “Bhí total confusion ann.  Bhí toit gach aon áit, bhí daoine ag rith.  Chaith m’fhear céile agus na páistí iad féin go talamh agus an clann Beilgeach freisin.  Bhí mise fós i mo sheasamh ag féachaint timpeall agus dúirt m’fhear céile liom ‘get down get down get down’ só chaith mé mé féin go talamh.” “Bhí na páistí ag caoineadh.  Bhí muidne ag féachaint timpeall chun a oibriú amach céard a bhí tar éis tarlúint.  Bhí gach éinne eile inár dtimpeall tar éis rith i dtreo an dorais.  Ach d’fhanamar ann díreach ag iarraidh oibriú amach céard a bhí tarlaithe agus cad a dhéanfadh muid anois.  Ansin tharla an dara phléasc.  Bhí sé sin níos cóngaraí dúinn agus thosaigh na soilse ag titim ón tsíleáil agus shíl muid go raibh deireadh linn ansin.” “Ach tar éis cúpla soicind níor thit aon rud eile síos orainn só bhí’s againn go raibh sé ok.   Bhí alán toit ag an bpointe seo san aer, bhí sé an-deacair anáil a thógaint, agus bhí na leaids óga ag caoineadh.  Bhí sé an-scanrúil ar fad.   D’éirigh athair an chlann Beilgeach agus chuaigh sé amach i dtreo an dorais chun a fháil amach an raibh sé sábháilte agus tháinig sé ar ais agus dúirt sé le gach éinne rith rith rith só d’éiríomar suas agus bheir muid greim ar na málaí agus na pasanna agus ritheamar amach an doras.” “Nuair a thángamar amach ansin dúirt na póilíní linn dul taobh thiar den Óstán Sheraton agus fanacht ann.   Nuair a bhíomar ann ní raibh aon eolas ag teacht isteach chugainn agus ní raibh na phones ag obair só ní raibh fhios againn cad a bhí ag tarlúint agus bhí póilíní le gunnaí agus balaclavas ag rith timpeall agus bhí siad ag rá linn téir siar téir siar.  Bhí total confusion ann.  Bhí otharchairr agus innill dóiteáin ag dul timpeall.” “Ag meánlae ansin, dúradar linn go mba cheart dúinn traein a fháil go Leuven baile timpeall 30 nóiméad ón aerfort agus ba chóir dúinn lóistín a fháil ansin só thángamar anseo inné agus tá muid anseo anois i student apartment ag fanacht lenár n-eitleán abhaile oíche Dé hAoine.” Sa chlár céanna, labhair Peadar Ó Riada faoi mar a bhí Cór Chuil Aodha ar a mbealach chun na Bruiséile le grúpa mór ceoltóirí agus ealaíontóirí.  Bhí an eitilt mall ag fágáil, agus bhí siad beagnach sa Bheilg nuair a cuireadh ar malairt slí iad go haerfort Schiphol san Ísiltír.