Léim go príomhábhar an leathanaigh

Blag Gaois (eochairfhocal: Seanchas)

Scag de réir eochairfhocail

Seanchas

Scag de réir eochairfhocail

28 blagmhír

Béaloideas Chontae Uíbh Fhailí

7 Deireadh Fómhair 2016

Níl aon amhras go bhfuil saibhreas béaloidis gan áireamh i measc ábhar Chontae Uíbh Fháilí i mBailiúchán na Scol. Is féidir cuardach a dhéanamh ar na scéalta ar fad ar dúchas.ie ag an nasc seo nó scoil ar leith sa chontae a roghnú ag an nasc seo. Tá clú agus cáil ar Chluain Mhic Nóis ar fud an domhain, agus tá neart scéalta faoin láthair eaglasta sin, agus faoi na toibreacha beannaithe, crosa, cloigthithe, agus séipéil atá inti san imleabhar a bhaineann le scoil Chluain Mhic Nóis.
Éirí Amach 1798 agus Béaloideas Oirdheisceart na Tíre

16 Meán Fómhair 2016

Bhí 1798 ar na blianta ba thábhachtaí i stair na tíre seo agus is cinnte gur fhág imeachtaí na bliana sin a lorg ar bhéaloideas oirdheisceart na tíre. Idir scirmisí, chathanna, laochra agus bhithiúnaigh, faightear an-léargas ar imeachtaí agus ar rannpháirtithe áirithe na gcontaetha seo i mBailiúchán na Scol.
Sióga agus Piseoga i mBailiúchán na Scol

20 Iúil 2016

Is léir ó na scéalta i mBailiúchán na Scol go bhfuil áit lárnach ag an mbéaloideas i saol na ndaoine in Éirinn agus go bhfuil tábhacht fós ag baint le cuid de na sean-nósanna agus na piseoga a ndéantar cur síos orthu in dúchas.ie. Tá na sióga fite fuaite ina chéile leis na scéalta atá le fáil i mBailiúchán na Scol agus tugtar léargas sa bhlagmhír seo ar chuid de na scéalta sin.
Oíche Fhéile Eoin

24 Meitheamh 2016

Déantar ceiliúradh ar Oíche Fhéile Eoin nó ar Oíche Fhéile Sin Seáin ar an 23 Meitheamh agus is tráthúil, dá bhíthin sin, breathnú ar na tuiscintí agus ar na gnásanna a bhain leis an bhféile sin ag dul siar agus go deimhin an chaoi a gcuirtear in iúl iad i mBailiúchán na Scol.
Bailiúchán na Scol – Scéalta ó Chontae an Chláir

12 Bealtaine 2016

Tá Biddy Early i mbéal an phobail i gContae an Chláir le 200 bliain anuas. Tá trácht uirthi i scéalta a bailíodh i gContae na Gaillimhe agus i gContae Thiobraid Árann chomh maith céanna le Contae an Chláir féin. Tá neart leaganacha ann de scéal Biddy.
Torthaí ó shuirbhé 2015 ar úsáideoirí dúchas.ie

29 Aibreán 2016

Foilsíodh suirbhé bliantúil ar dúchas.ie ag deireadh 2015 chun aiseolas a lorg ó úsáideoirí an tsuímh. Tugadh le fios go bhfuil úsáideoirí dúchas.ie lonnaithe i ngach cearn den domhan – sna Stáit Aontaithe, sa bhFionlainn agus san Astráil, i measc tíortha eile.
Ábhar Chontae Thiobraid Árann

29 Márta 2016

Tá clú agus cáil ar Chontae Thiobraid Árann mar gheall ar an iománaíocht agus luaitear bunú Chumann Lúthchleas Gael i nDurlas agus bunús na leasainmneacha Tipperary Stonethrowers agus Kilkenny Cats sa scéal seo.
Seanchas faoi logainmneacha i mBailiúchán na Scol

1 Feabhra 2016

Tá an-chuid logainmneacha spéisiúla ar fáil in Éirinn agus is minic a bhíonn dlúthnasc idir logainmneacha agus scéalta béaloidis i gceantair éagsúla. Caithfimid súil anseo ar roinnt logainmneacha spéisiúla agus déanfaimid cur síos ar chuid de na scéalta seanchais a bhaineann leo.