Gaois

Modh cuardaigh

Scag na torthaí

Bailiúcháin

288 toradh in 148 doiciméad

  1. #754084

    Tá aird tarraingthe ag tuarascáil an Ard Reachtaire Cuntas agus Ciste ar an dóigh ar cuireadh luach ar an mhaoin agus ar an mhargaíocht a rinneadh roimh ré.  Thug bainc Éireannacha £4.6 billiún ar iasacht d'fhorbróirí sa Tuaisceart, cheannaigh NAMA na hiasachtaí ar £1.9 billiún sular dhíol siad iad ar £1.3 billiún le comhlacht as Meiriceá, Cerberus, i 2014.  Deir an tuarascáil nach bhfuil aon fhianaise ann go raibh sé i gceist ag NAMA a gcuid maoine uilig i dTuaisceart Éireann a dhíol i bpunann amháin go dtí gur scríobh comhlacht dlíodóirí as Meiriceá, Brown Rudnick, chucu thar ceann an chomhlachta infheistíochta Pimco i Meitheamh 2013 agus iad ag tairiscint margadh eiseach.  Léirítear sa tuarascáil gur tharraing Pimco amach as an phróiseas i Márta 2014 i ndiaidh dóibh NAMA a chur ar an eolas faoi híocaíocht a bhain le Brown Rudnick, comhlacht dlíodóirí d'arbh ainm Tughans agus iar bhall de Choiste Comhairleach NAMA i dTuaisceart Éireann.  Thángthas ar £7 milliún ansin i gcuntas ar Oileán Mhanann a raibh smacht ag comhpháirtí bainistíochta i Tughans, Ian Coulter, air.  D'éirigh seisean as a phost nuair a thángthas ar an airgead.  Deir NAMA nach nglacann siad leis an mhéid atá sa tuarascáil.

  6. #275558

    Dúirt sé gurb é Michael Noonan ceannasaí NAMA agus go bhféadfadh sé stop a chur leis.  Dúirt sé gur chóir do NAMA fanacht go dtí go raibh na fiosrúcháin maidir leis an socrú a rinne Cerberus le NAMA sa tuaisceart críochnaithe.

  8. #281590

    Ar chlár BBC aréir, líomhnaíodh go raibh socrú déanta ag comhairleoir de chuid NAMA go bhfaigheadh sé féin airgead ó dhaoine a bhí chun maoin NAMA sa Tuaisceart a cheannach.

  17. #753979

    Tá NAMA le bheith os comhair an Choiste um Chuntais Phoiblí ar an 22 Meán Fómhair agus tá Coiste Airgeadais an Oireachtais, faoi chathaoirleacht John McGuinness, le feidhmeannaigh NAMA a cheistiú.

  19. #754050

    Project Eagle atá tugtha ar dhíol iasachtaí NAMA i dTuaisceart Éireann leis an chomhlacht infheistíochta as Meiriceá, Cerberus Capital Management.  Creidtear go léirítear laigeachtaí agus mírialtachtaí i dtuarascáil an Ard-Reachtaire Cuntas agus Ciste faoin mhargadh agus go mb'fhéidir gur cailleadh na céadta milliún euro dá bharr.  Tuigtear nach n-aontóidh NAMA leis an mhéid atá sa tuarascáil.  Is é seo an dara gearán atá déanta ag NAMA leis an Choimisiún um Chaighdeáin in Oifigí Poiblí i dtaca le Frank Cushnahan.

  23. #755294

    Tá an Coiste um Chuntais Phoiblí ag ceistiú an Aire Airgeadais Michael Noonan inniu faoi dhíol maoine na Gníomhaireachta Náisiúnta um Bainistíocht Sócmhainní (NAMA) sa Tuaisceart.  Ina ráiteas oscailte, dúirt an tAire go raibh muinín iomlán aige as NAMA agus as an Ard-Reachtaire Cuntas agus Ciste chomh maith, ainneoin an easaontais idir an dá fhoras.  Dúradh i dtuarascáil an Ard-Reachtaire Cuntas agus Ciste go bhféadfadh sé gur chaill NAMA £190 milliún sa díolachán seo.

  25. #892796

    Dúradh sa litir nach mbeadh Pimco ag freastal ar aon éisteachtaí de chuid an Choiste fad agus atá fiosrúcháin coiriúlachta ar bun sa Bhreatain agus i Meiriceá.  Dúirt údar na litreach, Tom Rice, Príomh-Oifigeach Dlí Pimco go raibh díomá ar an gcomhlacht faoin 'gcarachtaracht éagórach' a bhí déanta ag NAMA ar ról Pimco sa phróiseas díolacháin.  Deir Rice gur mhol an comhlacht dlí Brown Rudnick dóibh 'táille i gcás socruithe' a réiteach ach nár ghlac siad leis an moladh.  Lean sé le cur síos a dhéanamh ar an moladh, ina mbeadh iomlán £16m le híoc ag Pimco agus a bheadh le roinnt go cothrom idir na comhlachtaí dlí Brown Rudnick agus Tughans chomh maith le Frank Cushnahan - iar-bhall Coiste Comhairleacháin Nama sa Tuaisceart.  Deir Rice gur iarr siad soiléiriú ó NAMA ar ról Cushnahan i ndíol an phunainn 'Project Eagle'.  Ag éirí as an phróisis díolacháin dóibh, dúirt Rice go ndúirt Pimco le NAMA nár theastaigh uatha bheith páirteach i bpróiseas díolacháin lenar bhain aon blas d'iompar mhíchuí.  Dúirt Mary-Lou McDonald, TD Shinn Féin go n-athraíonn a líomhnaítear sa litir gach ar samhlaíodh le bheith fíor go dtí seo.

  45. #753036

    Tá feisire comhthionóil Shinn Féin d'Aontroim Thuaidh, Daithí McKay, éirithe as a phost i bhfianaise an scéala gur chuir sé comhairle ar dhílseoir aitheanta a thug fianaise i dtaca le cúrsaí maoine NAMA.  Bhí Daithí McKay ina chathaoirleach ar choiste Stormont a d'fhiosraigh cúrsaí NAMA i mí Mheán Fómhair anuraidh.  Ag ceann d'éisteachtaí an choiste, mhaígh an dílseoir Jamie Bryson go raibh ceannaire an DUP ag an am Peter Robinson ar dhuine den dream a bhí le tairbhe a bhaint as díol maoine de chuid NAMA.  Shéan Peter Robinson na líomhaintí a rinne Jamie Bryson.  Bhí cruinniú ag Daithí McKay le baill dá pháirtí inniu.

  46. #270976

    Is i bportfóilió NAMA a bhí an mhaoin.  Líomhnaigh an Teachta Dála Neamhspleách Mick Wallace sa Dáil an tseachtain seo caite gur cuireadh na milliúin punt i leataobh do pholaiteoir nó do pháirtí polaitíochta sa Tuaisceart agus gur ó dhíolachán maoine ar le NAMA é a tháinig an t-airgead.

  47. #271026

    Baineann an scéal le maoin a bhí i seilbh na Gníomhaireachta Náisiúnta um Bainistíocht Sócmhainní, NAMA.  Tá líomhaintí déanta gur íocadh daoine eile nach raibh baint dhíreach acu leis an maoin.   Níos túisce, chosain cathaoirleach  NAMA, an chaoi a ndeachthas i ngleic leis an díolachán.

  48. #271232

    Mhol an Ceann Comhairle do Mhick Wallace dul go dtí na Gardaí leis an eolas a bhí aige.  Dúirt an Taoiseach Enda Kenny, go bhfuil an Coiste um Chuntais Phoiblí i gceannas ar mhaoirseacht a dhéanamh ar NAMA.  Labhair an Teachta Dála Mick Wallace roimhe seo faoi dhíolachán phortfóilio NAMA i dTuaisceart Éireann.

  49. #271275

    Ag labhairt do ar RTÉ ar maidin, chosain an Teachta Dála Neamhspléach Mick Wallace a chinneadh líomhaintí i gcoinne oifigeach ó NAMA a luadh sa Dáil inné agus cháin sé an tslí ar láimhseáil an Rialtas margaí a rinne an áisíneacht Stáit.  Dúirt Mick Wallace go raibh ceisteanna tromchúiseacha aige faoi NAMA agus chreid sé go raibh freagraí ag teastáil.

  50. #335024

    Beidh an coiste ag éileamh eolais ó Cerberus, ó Mick Wallace, ó NAMA, ó chomhairleoirí logánta a bhí ag obair le Nama, agus ó dhlíodóirí Tughans, ar b’é a iar-phríomh phairtnéir a chuir an t-airgead sa chuntas in Oileán Mhanann.