Bhí sé ar na hÉireannaigh ba thúisce agus ba mhó a chuir spéis i scríbhinní Pierre Teilhard de Chardin (1881-1955) agus bhí sé ina bhall de Chomhairle an Teilhard de Chardin Association of Great Britain and Ireland óna bhunú in 1965 i leith.
I measc a chuid scríbhneoireachta tá aistí ar Beethoven agus Mozart, agus scagadh an-bhreá ar The Phenonomen of Man le Teilhard de Chardin nuair a chéadfhoilsíodh seo i mBéarla.
Oscailt súl dó ab ea na scríbhneoirí seo leanas: Dostoyevsky, Kafka “The Trial” agus “Metamorphosis”, Drámaí Sophocles, Camus, Sartre, Teilhard de Chardin, Gräss agus Böll na Gearmáine, Rushdie “Midnights Children”, Marquez, Orwell, Tressell, Irving & Styron.
Cés moite de na filí, i measc na smaointeoirí a raibh cur amach áirithe ar a saothar aige áirím Nietsche, Spengler, an Piarsach, an Conghaileach, Marx agus Engels, Buber, Bertrand Russell, de Chardin, agus Sartre, agus phléadh muid smaointí na n-údar seo.
(1978); Don ábhar saoririseora (1980); Raidió na Gaeltachta (1982); Cúis náire – agus bróid: Proinsias Ó Mianáin agus cearta Gael (1988); Tomás Ó Fiaich (1990); To Irish Protestants (1991); Dúbhglas de hÍde (1991-93) (2 iml.); Gaeilge i gColáiste na Tríonóide 1592-1992 (1992); Teilhard de Chardin i gcuibhrinn Éireannach (1994); Pádraig Ó Fiannachta (1995); Cosslett Ó Cuinn (1996); Niall Brunicardi (1997); Modhaigh: scéal pobail – scéal eaglaise (1999); Denis Ireland (2000); De bhunadh Protastúnach nó rian Chonradh na Gaeilge (2000); Dí-armáil nó díothú: Éire, an Eoraip, an Domhan (2001); Cearbhall Ó Dálaigh (2001); Coláiste Moibhí (2002); Esperanto: teanga idirnáisiúnta (2004); Eagarthóir (2005).