#1926542
Beidh na daoine seo fostaithe i mbunáit tallainne Eorpach an chomhlachta, a osclaíodh le déanaí i dTrá Lí. Deir Seán Ó Sé ó Sigmar go raibh an méid daoine oilte traenálta atá i gcomharsanacht Thrá Lí ar cheann de na cúiseanna go roghnaíodh an baile mar láthair do na poist nua. Méadú 20% ar an líon duine ag úsáid páirceáil agus taisteal i gCorcaigh Deir Comhairle Cathrach Chorcaí go bhfuil méadú 20% tagtha ar líon na ndaoine atá ag úsáid a gcóras páirceáil agus taisteal, tar éis an chórais smachtaithe tráchta nua a cuireadh i bhfeidhm i lár na cathrach an tseachtain seo d'imigh tharainn. Cuireadh leis an seirbhís páirceála agus taisteal, mar pháirt de na socruithe nua a chuir cosc ar chairteacha ar Shráid Phádraig sa chathair gach tráthnóna. Deir Comhairle Cathrach Chorcaí go n-admhaíonn siad go bhfuil roinnt cairteacha ag déanamh neamhairde de na socruithe nua, agus go bhfuilid fós ag tiomáint ar Shráid Phádraig le linn an ama nár cheart dóibh bheith ann, ach táid dóchasach go rachaidh daoine i dtaithí ar na socruithe nua sara bhfad.